يهَ خاكهَ يا باد و ُ توُز / يا ضد رِيهَ باد شمال قَلا قاسم / يا باد شَرجيه
نووُنم كُجا بَجيم / دَس ماسه بادي تالاري رديف كِردم / سي كار شادي
نَه تُونم دِرام وِ دَر / نَه بِسم حُونهَ ايي خاكي كه مِي وارهَ / جَلاد جوُنهَ
اِ خُدا فكري بَكوُ / وِ حالِ مَردم چي مَشگدوُ قلب مِي زنهَ / ايقهَ خاك حَردم
چي دُكتر اتاق عمل / ماسك دَرِ گوُپم ناشتا خاك نهارمِ خاك / خاك بيهَ شوُمِم
داياي ديم ها مِيا / عصا وِ دَسِش گوُت قلبم باطري دارهَ / ضيفعه بَرقش
عُمرمُفيد پنجاهَ سالهَ / اَر خاك نَوارهَ كُهَن سال بَچهَ كوُچكيا / بوُوَن بيچارهَ
تو بَوار خاك عراق / وِ سَر كُولِم نهَ قلب مَن نهَ ريهَ مَن / دي هيكل چوُلم
خوُزسوُ دِ چي اَول / نارهَ صفاي دِ تَرس خاك مَردم جيستِن/ هَر كوُم وا لاي
شهر شوش خاكلوُنهَ / مِلق وُ رُسهَ كَسْ نِميا وا ديارِت / اَحوال بَپُرسهَ
مِه تا كي وا بَنالم / دي خاك عروُسوُ بَوَني كوُلا خووُيي / دِ مين اووُسوُ
گَرما كه شَص درجهَ / خاك ريزهَ ريزهَ كوُچ كنم وا ولاتي / جوُنم عزيزهَ
هاي كُجا حقوق بشر / بَرس وِ دادم گَرت وُ خاك كاري كِردهَ / نوُم رَت دِ يادم
بَنويسم شكايت / وِ كوُم ادارهَ مَجبوُرم واش بَسازم / چارم ناچارهَ
نوشتم دَردَ دلم / سي وا تموُنهَ خاك كُشتم بيمار بيمهَ / دِ بُنِ حوُنهَ
هَر چي بوُوم كم گوُتمهَ / دي صحووُ مُردهَ چي رمِوز ته تاپوُ / مين دلم بُردهَ
نظرات شما عزیزان:
